ವೇಷ





ಹೊಸದೇನನ್ನೋ ಬರೆಯಬೇಕೆಂಬ 
ತುಡಿತದಿಂದ ಬರೆದಿದ್ದು ಈ ಸಾಲುಗಳು.
ಯಾವುದೇ ಭಕ್ತಿ-ಭಾವಗಳಿಗೆ ಧಕ್ಕೆ ಗೊಳಿಸುವ
ಉದ್ದೇಶ ಖಂಡಿತ ಇಲ್ಲ
-------

ಗಂಗಾಧರನಿಗೆತ್ತೆನೋ
ಭೀತಿ
ಜಟೆಯ ತೆರೆದೆಡೆ,
ಓಡಿಬಿಡುವಳೆಂದು
ಕಿರಿಪತ್ನಿ

ಚಂದ್ರಶೇಖರನಿಗಿ
-ದ್ದಿರಬಹುದು ಆತಂಕ
ಶಶಿಯ  ಕೆಳಗಿಳಿಸಿದರೆ,
ಕೊಡುವರಾರೆಂದು ಧರೆಗೆ,
ಇರುಳ ಬೆಳಕ!

ಹೀಗೆ ಏನಿತ್ತೋ
ಆತನಿಗೆ ಸಾಸಿರ
ಬಿಕ್ಕಟ್ಟು.
ಅದೇ ಚಿಂತೆಯಲಿ
ಗಮನ ಕೊಡದೆ 
ಜಡ್ಡುಗಟ್ಟಿತೊ ಜುಟ್ಟು.

ಅವನ ವೇಷ
ಅವಗೆ ಬಿಟ್ಟು 
ತಿಳಿವುದೊಳಿತೇನೋ
ಶಿವನಾಂತರ್ಯದ
ಗುಟ್ಟು 

ವೇಷದ
ಅನುಕರಣೆಯಿಂದೊಂದೇ
ಆಗದು
ಶಿವಸಾಕ್ಷಾತ್ಕಾರ.
ಕೃತಿಯಲ್ಲಿ , ಕರ್ಮದಲಿ
ಇರಲಿ ನಿಷ್ಠೆ, ಎಲ್ಲೆಲ್ಲೂ 
ಇರುವನವನೇ 
ನಿರಾಕಾರ

Comments

Post a Comment

Popular posts from this blog

ಗಡಿಯಾರ-ಜೀವನಯಾನ

Image
ಗಡಿಯಾರ-ಜೀವನಯಾನ --------- ಬಿಡುವಿರದೆ, ಎಡೆಬಿಡದೆ ಉರುಳುತಿಹೆ ಎಂದೆಂದೂ ಎಲ್ಲಿಗೆಂದು ಕೇಳ್ವೊಡೆ, ತಿಳಿದಿಲ್ಲ ಹಿಂದು-ಮುಂದು! ದಾಟಿ ದಾಟಿ ಅಂಕೆಗಳ ಮೈಲಿಗಲ್ಲು, ಗಮ್ಯ ತಲುಪಿದೆನೆಂದು ಹಿಗ್ಗಿತು ನಿಮಿಷದ ಮುಳ್ಳು! ಇಂತಾವೆ ಸುತ್ತು, ಸಾವಿರವೇ ಆತು, ಮುಗಿಯದ ಪಯಣವಿದೆಂದು ಗೊಳ್ಳೆಂದಿತು ಕ್ಷಣದ ಮುಳ್ಳು. ಸರಿ ಸಾಕಿನ್ನು ಗುರಿ ತಲುಪುವ ಭ್ರಮೆ. ಸವಿಯುವೆನು ಸಂಚಾರದಲಿರುವ ನಲುಮೆ. ನಿಂತು ನಿಂತು ಬೆಳೆಸಿದೆ ಸಂಕೆಮಿತ್ರರ ಒಡನಾಟ. ಬದುಕಿನಲಿ ಇನ್ನಿಲ್ಲ ಏಕತಾನತೆ ಕಾಟ. ಕೇಳು ನೀ ಮನುಜ, ಬದುಕೊಂದು ತೆವಳುವ ಗಡಿಯಾರ. ಗುರಿಯಿರದ ಕಡೆಗೆಲ್ಲೋ ಮುಗಿಯದ ಸಂಚಾರ. ಜೀವನಯಾನದಲಿ ತುಂಬಿರಲಿ ಸಹಚರರು ಪ್ರೀತಿ ಹಂಚುತ ಸಾಗು, ಕಡೆಯ ನಿಲ್ದಾಣ ಬರುವುದೆಂದೋ ಬಲ್ಲವರು ಯಾರು? ==== ಚುಟುಕು -------- ಜಗವೆಲ್ಲಾ ಒಂದು ಗಡಿಯಾರದಂಗಡಿ ಜನರೆಲ್ಲಾ ಇದ್ದಂತೆ ಒಂದೊಂದು ಘಡಿ ಮಿಡಿವ ಹೃದಯವೇ ನಿಮಿಷದ ಮುಳ್ಳು. ಬಡಿತ ನಿಂತರೆ ಬದಲಾಯಿಸಲು ಇಲ್ಲ ಯಾವುದೇ ಸೆಲ್ಲು!! ಸೆಲ್ಲು=battery ========  ಗಡಿಯಾರದಳಲು. (ಅಪೂರ್ಣ.. ) ------- ಜಗವೆಲ್ಲಾ ಮಲಗಿದರೂ ನನಗಿಲ್ಲ ಬಿಡುವು ಹಗಲಿರಲಿ ಇರುಳಿರಲಿ ನಾನೀಜೋ, ನದಿಗಿಲ್ಲ ದಡವು!! ಕಣ್ಣಿಗೆಣ್ಣೆಯ ಹಾಕಿ ತಿರುಗುವೆ ನಾ ಗಸ್ತು. ಸೌಜನ್ಯಕ್ಕಾದರೂ ಕೇಳಬಾರದೆ ನಿನಗಾಯಿತಾ ಸುಸ್ತು? ನಸುಕಿನಲಿ ನಾ ಕೂಗಿ ಕರೆದೊಡೆ ಆಣತಿಯಂತೆ. ತಲೆಗೊಂದು ಬಡಿದು ಮಗ್ಗುಲು ಬದಲಿಸುವರು ನಾ ಯಾರೋ, ತಿಳಿದೇ ಇಲ್ಲದಂತೆ! ...
Read more

ಸ್ವಾಭಿಮಾನ

ಇನ್ನಾದರೂ ಸೋಲು.. ಇಷ್ಟೆಲ್ಲಾ ಆದ ಮೇಲೂ.. ಬಂದ ಭಾವನೆಗಳಿಗೆ ಬೇಲಿ ಹಾಕಿ ಬಂಧಿಸಿದಾದ ಮೇಲೂ .. ಆಸರೆಗಾಗಿ ತಡಕಾಡುತಿದ್ದ ಕರಗಳಾ.. ಕಟ್ಟಿ ಹಾಕಿದ ಮೇಲೂ... ಸಜ್ಜನರಿಗಾದರೂ ಬಾಗಬೆಕಿದ್ದ ಶಿರವ.. ಧಿಕ್ಕರಿಸಿ ಮೆರೆವಂತೆ ಮಾಡಿದ ಮೇಲೂ.. ಒತ್ತರಿಸಿ ಬಂದ ಕಂಬನಿಯಾ.. ಕಣ್ಣೆವೆಗಳ ತೇವಕ್ಕೆ ಮಾತ್ರ, ಮೀಸಲಾಗಿಸಿದ ಮೇಲೂ.. ಇನ್ನಾದರೂ ಬಿಡುವೆಯ ನನ್ನ.. ಒಮ್ಮೆ ಮನತುಂಬಿ ನಿರರ್ಗಳವಾಗಿ ಅಳಲು... ಇನ್ನಾದರೂ ಸೋಲು ನೀ ಮನವೇ.. ಇಷ್ಟೆಲ್ಲಾ.. ಆದ ಮೇಲೂ.. ___________________________________________________________ ೧೩ ಅಕ್ಟೋಬರ್, ೨೦೦೭
Read more
ಅಂತ್ಯ ಮಾತು ಮುಗಿದಿರಲಿಲ್ಲ ಮೌನ ಕವಿಯಿತು.., ಮೆಲ್ಲ! ಭಾವ ಮೂಡಿರಲಿಲ್ಲ  ಪದಗಳುಳಿದಿರಲಿಲ್ಲ! ಹೊತ್ತಲ್ಲದ ಹೊತ್ತಿನಲ್ಲಿ ಧುತ್ತೆನ್ನೆದ್ದು ದಿಟ್ಟಿಸ್ಸಿದ್ದೆಷ್ಟು? - ಎಲ್ಲವೂ ಬರೀ ಶೂನ್ಯ! ನೆನಪಿನ ಮಳೆಯಲ್ಲಿ ಬಿಕ್ಕಿ ಬಿಕ್ಕಿ ನೆನೆದದ್ದೆಷ್ಟು? - ಅದು ಖಾಸಗಿ ವಿಷಯ!  ಅಂತ್ಯವೆಂಬುದೇ ಹೀಗೆ, ಬರುವುದು ಒಮ್ಮೆಲೇ ನೀಡದೆ ಆಮಂತ್ರಣ. ನೀನಿರದ ಜೀವನವೇ ಆಗಿರಲು ಅಪೂರ್ಣ.. ಹೇಗೆ ತಾನೇ ಮುಗಿವುದಿನ್ನು ಈ ಕವನ!
Read more