ಭವ...

ಏಕೋ, ಹೇಗೋ ತೊಯ್ದ ಅನುಭವ.. ಒಮ್ಮೆ ಪನ್ನೀರ ಚುಮುಕಿಸಿದಂತೆ ಸಿಂಚನ.. ಮತ್ತೊಮ್ಮೆ ಚಟಪಟ ನೀರ ನರ್ತನ. ಕೆಲವು ಬಾರಿಯಂತೂ, ಧುಮ್ಮಿಕ್ಕುವ ಜಲಪಾತದಡಿಯ ಭೋರ್ಗರೆತದ ಸ್ನಾನ. ಮಳೆಯ ಸುಳಿವಿಲ್ಲದಿದ್ದರೂ ನಡೆದುದ್ದಿದೆ ಕೊಡೆ ಹಿಡಿದು, ಬಿಸಿಲ ಝಳದಲೂ ಧರಿಸಿದ್ದಿದೆ ಮಳೆಕೋಟನು! ಅರಿತಿದ್ದು ತಡವಾಯಿತೋ ಏನೋ? ನೆನೆದದ್ದು ನೆನಪಧಾರೆಯಲ್ಲೆಂದು! ಮೇಘ ಕರಗಿ ನೀರಾಗುವ ಪ್ರಕ್ರಿಯೆಯಿಂದಲ್ಲವೆಂದು!!! 7/13/2019

ತ್ರಿಪುರ ಸುಂದರಿ --- ಸುಂದರವಾಗಿ ಅಲಂಕರಿಸಿ, ಮಾಟಗಾತಿಯ ಮಾಯಾ ದರ್ಪಣ ತರಿಸಿ, ಕೇಳಿ ಖಚಿತ ಪಡಿಸಿ, ಹಿಗ್ಗಿ ನಾನೇ ಈ ಜಗದ ಚೆಲುವಿನರಸಿ.. ತೇಲುತಿರಲು, ಅಹಮ್ಮಿನಾಕಾಶದಲಿ ವಿಹರಿಸಿ.. ನಗುತ್ತಿತ್ತು ಆಧಾರ್ ಕಾರ್ಡಿನ ಭಾವಚಿತ್ರ ಗಹಗಹಿಸಿ!!